Welkom

Béste minse, Spoeëkejaegers , groeët en klein en alle anger vastelaovundj veerders, welkom op dees site. 

Béste Spoeëkejaegers,

Nao de 11de van de 11de begintj ut weer behuuërlik te spoeëke in ut dörp.

Dit us un teîken det ut vastelaovundjsezoen 2021 - 2022 begintj.

Ut neet-normale vastelaovundjsezoen van aafgeloupe jaor zulle wae noeëts vergaete, mer de Spoeëkejaegers pakke de draod as vanouds weer op en organisere weer ein programma veur jonk en aod. De Swartbrooker vastelaovundj kumtj weer tot laeve.

Teminste, as alles weer maag van de Overheid.

Zaoterdig 8 jannewari 2022 es ut Prinsebal en weurtj om 22:11 oor osse nowwe prins van 2022 oetgeroôpe.

Ouch de jeugdprins en jeugdprinses zal tiêdes ut Prinsebal op ein ludieke meneer waere ootgeroôpe en veurgesteldj.

Op deeze aovundj waere ouch oos 5 jubilarisse van 2022 gehuldigdj:

4 x 11 jaor      Mart van Eerd

3 x 11 jaor      Bert Steijvers

2 x 11 jaor      Robert Coolen en Patrick Korten

1 x 11 jaor      Joris de Borgie

Op 11 en 12 fibberwari 2022 zeen oos altiêd gooj boônte aovundje. Wiltj gae get lache, komtj dan nao dees boônte aovundje, veur en door swartbrooker minse.

 Op zaoterdig 26 fibberwari 2022 is de groeëte boorebroeloft. De boorebroeloft-commissie is al drök bezig om d'er eine geweldjige broeloft van te maake.

 As léste is op deênsdig 1 mieërt 2022 de groeëte optocht door ut dörp en gaon wae 's aovus ut spoeëk trök de Krang in jaage.

 Al oos anger aktiviteite kintj gae vinje in oos programma op dees site.

 Wae nuuëdige eederein oet om saame mét os dit sezoen vastelaovundj te koome veere in ut Spoeëkepeliês in Swartbrook.

 Verder winse wae uch allemaol unne gooje vastelaovundj en Blieftj Gezoôndj !!!!

ALAAF

V.V. De Spoeëkejaegers