Jeugd Boôntjemiddig
De jeugd boôntje middig is unne middig dae al jaore speciaal veur de jeugd van Swartbrook waerdj georganizeerdj. De jeugd kan zellef keeze wat ze gaer aan os wille laote zeen op de bühne. Dit kan un sjoeën tonieëlstukske zeen, mer zeker ouch un zang of dans optraeje. Un optraeje wat wae al jaore zeen trök koome op ozze jeugd boôntje middig is de Dancing Kids onger leiding van Aniek van Bommel.
Omdet deze middig georganizeerdj waertj veur de jeugd van Swartbrook moôge we ozze jeugdpreens neteurlik neet vergaete. Daorom hebbe we in de pauze un jeugdprinseresepsie woeëdet ozze jeugdpreens gefelisiteerdj kan waere. Tegeliekertiêd kan de jeugdpreens de jeugd ongersjeî-je die nog gein óngersjeî-jing hebbe.
Zaoterdigmiddig 4 fibberwari om 13:00u begintj deze middig! Deze middig zulle d’r tonieëlstukskes en optraejes waere opgeveurdj woeëdet we ut gaer stil wille hebbe. Zoeë gaeve wae ozze artieste hun aandacht dae ze verdeene. Aansloeëtendj zeen d’r dansjes. Tussendoor is d’r 45 min pauze en zal de jeugdprins op de bühne staon veur zien resepsie. Wie det ut programma d’r oet keumtj te zeen steit nog in de steigers, mer wae verzeekere uch det ut unne super sjoeëne middig waertj. Ouch dit jaor waertj de presentasie weer gedaon door Lieke van Bommel, Marco Beckers en Joeri Gielen.
Hebs dich noow bedachtj om ouch mit te doon mét de jeugdboôntjemiddig?
Gaef dich dan snel op door ongerstôndj formulier in te vulle!
Ut aanmeldformulier veur de Jeugd Boôntemiddig es heej te downloaden.
Vreuger
Vreuger weardje dur op sjool al hosmiddige gehaoje vur de jeugd.Later waerdje ze auch utzellefdje as de boônte aovundj gehaoje in zaal Derckx. Dit alles in saamewerking met de lieerkrachte en ut oajer commiteé.
V.V. de Spoeëkejaegers hebbe de hosmiddige inmiddels umgeduiptj tot wichterboôntemiddig. Ut initiatief loog de ieerste 2 jaor beej Jan Truyen.
Heej nao waerdje de organisatie euvergenoome door Lei Jacobs, dae tot 1994 de hieel leiding allein in henj haaj. De letste paar jaor waerdje Lei gehollepe door Harald Kleespies.
Nao ut aaftrei-je van Lei ging Harald allein verder. Nao un paar jaor intensief beezig te zeen gewaesj kreeg Harald hullep van Rob Jacobs en Peter Keulen. Rob en Peter heele zich hoofdzakelik beezig met ut medepresenteere van de wichterboôntemiddig.
Waat betreftj ut pepeerwerrik (kontaktblaedje, opgaaveformelieere en programma) heelp Peter Harald mej oppe kompjoeter.
Harald, Peter en Rob probieerdje eeders kieer weer zoeë orzjineel meugelik vur de daag te koome beej de presentasie .
Zoeë hej-je ze kinne zeen as de Blues Brothers, de Teletubbies, Kabouter Plop, K3 enz. enz.
Nateurlik moog auch de inbring van Jeanet Janssen neet vurgeate waere. Jeanet zurrigdj al vul jaore en nog steeds vur de kostuums en de noedige meek-up laoge.
Hiej biej waas ut soms noeëdig det euvertollig haor (snor en of baard) dur vanaaf mos. Hieël dek waas dit met tieëgezin, mer vur de wichter es niks te vul.
Now Rob dur neet mieër es en auch Harald en Peter hebbe besloeëte um de scepter euver te gaeve, organisieërtj Marc Heijmans vanaaf 2007 de wichterboôntemiddig.
2012 Team Jeugd Boôntemiddig