Jeugdprinsepaar
Jeugdprins Maxim en jeugdprinses Alicia
Orde: "de Brokkepiloot"
Devies: "Met pleisters en verbandj, vleege wae door ut Spoeëkelandj"
Proklamatie
Samen: Wae, Jeugdprins Maxim en Jeugdprinses Alicia, regeere beej de gratie van alle groeëte en klein wichter van Swartbrook
Maxim: Ich woeën op Mies van Nolle en bin de versierder van ut Spoeëkebos én zörg det Cas, Johan, Stefan, Mark en Peter
de optocht op tieëd laote vertrèkke!
Alicia: Ich woeën in un bejaardehuuske aan de Genovevastraot en zörg der veur det de veurzitter van de voetbalclub
direkt nao hoeës geit as Carien hum reuptj!
Samen: Doon uch wète det:
Maxim: Ich de jongste mèr groeëtste klusser bin van Frank van Frans van Frens van Ciske en Tilly van Jan van Mina met de
spitse knieje en van Inge van Ton van Toos van Mieke van Kollee en Tonny van Tjeu van Cilia’s Driek
Alicia: Ich de aodste en einigste dochter bin van Ramona van Ruud en Riem mèt de gitare van de Blue Diamonds en van
Jozef van Maria dae der auch niks van snapdje dèt der de neegel op ziene kop gehouwtj haaj !
Maxim: Ich heb ein groeëte broor Milan dae al wat dons oonger de naas heet en un bleumke van ein zöster die Jasmijn hètj
Alicia: Ich heb ein völ jonger breurke dae Djasen hètj en woeë ich samen met os mam veur zörg. Ich heb gein pop van doon.
Maxim: Zèk Alicia, dich hebs unne naam wie in un sprookje. Volges mich is miene draum oetgekome now wae heej zoeë staon.
Ich veul mich net de Prins op ut witte paerd!
Alicia: Bie-j dich mot ich ieërder aan dae gladiator Maximus dinke, det goddelukke liêf, allein is diene strijdwage unne skelter!
Maxim: Ho, ho, ich werk now aan tractors in plaats van skelters. En dèt neet allein! Auch de fietse van de hieële femiêlie maak
ich allewiel. Lest haaj ich de veurlaajer van de tractor aan de fiets van os mam gemaaktj.
Alicia: Waat hebs ze dao now aan? Det is allein mèr mekkeluk als ze boeëdsjappe mos doon bie-j de Albert Heijn.
Dèt is nog es hamstere! Trouwes, ich bin gèk met hamsters.
Maxim: Ich bin gèk mèt álle hoeësdiere. Ich zörg veur de hinne, de kat en de hoôndj. Allein de bee-je dao heb ich sjrik veur.
Van de zomer meindje ich ut Spoeëk al door de Krang te zeen renne, mèr ut waas os mam die gestoôke waas door de bee-je!
Alicia: Ich bin nörges bang veur, want mien hobby is kickbokse. Daorom hebbe minse auch neet in de gate det ich in un
bejaardehuuske woeën; Ich zit nog strak in mien vèl!
Maxim: Mèr dan zuls ze aaf en toe waal boôntj en blauw zeen. Ich heb det auch geregeldj as ich weer stunts oethaal met miene
fiets of skelter. Det plat kalle ving ich lestig, mèr plat op mien gezicht gaon; gein probleem!
Alicia: Dan zal der waal un mal van dich staon bie-j de gipskamer in ut zeekehoeës! Trouwes, lest heb ich 112 gebeldj omdet de
euverbuurman al un paar oor neet mieër bewoge haaj. Mèr ut waas loos alarm. Wil zoôt nao ut voetbal te kieke………
Maxim: Ich bin gein voetballer, mèr unne handjballer. Ich bin völ hendjiger mèt mien hendjes. Ich knutsel alles aanein;
tummere, zaege en auch in electriek bin ich good. Wie lest de telefoon van pap aafging begôs de auto te trille!
Alicia: Ich heb eur mam anges huûre klage det dien kleijer in ut wasmesjien altieëd vol zitte mèt nägel en sjroeve en
dèt ut water der aan alle kenj oet löptj
Maxim: Dèt kins ze waal zegge! Lest stong Chel van Laveaux al veur de deur. Hae woeëj ut wasmesjien met de was al oplaaje
veur de Sjötterie! Det is auch zoeë-unne klusser!
Alicia: Van al det klusse zuls ze waal hoonger krieëge. Wèts ze waat ich lekker ving? Calamaris! Dao gaon ich veur door un moôr!
Maxim: Calamaris? Gaef mich mer Spaans aète; Paèperneut bakke, dèt kan ich good!
Of eier bakke, mèr dan nog zitj de hieële keuke onger de struif
Alicia: As ze det zoeë bekieks dan make wae der toch dèk unne puinhaup van! Misjien motte wae dao iets mèt in de Vastlaovundj?
Maxim: Ich weit ut waal zeker; wae zeen same neet kepot te kriêge en laote deeze Vastelaovundj gesmeertj laupe!
Samen: Wae hebbe de orde ingesteldj van “De Brokkepiloot” en alles onger os devies: